കാമുകനുമായുള്ള ജീവിതത്തിന് തടസമാകുമെന്ന് കരുതി പതിനഞ്ചുമാസം പ്രായമുള്ള കുഞ്ഞിനെ അമ്മ ഇംഗ്ലീഷ് ചാനലില്‍ തള്ളിയിട്ടുകൊന്നു.
അഡലെയ്ഡ് എന്നുപേരുള്ള കുഞ്ഞിനെ ഇംഗ്ലീഷ് ചാനലിലെ ബെര്‍ക് സര്‍ മെറിലേക്ക് സെനഗല്‍ സ്വദേശിയായ ഫാബിയെന്നെ കബൗ (36) തള്ളിയിടുന്നതിന്റെ ഫൂട്ടേജ് സിസിടിവിയില്‍നിന്ന് കണ്ടെത്തിയിരുന്നു. പിറ്റേന്ന് പുഷ്‌ചെയറില്‍ മുറുക്കിവച്ചനിലയില്‍ കുഞ്ഞിന്റെ മൃതദേഹം പൊന്തിക്കിടക്കുന്നതായി മത്സ്യത്തൊഴിലാളികള്‍ കണ്ടെത്തുകയയായിരുന്നു.
കുഞ്ഞിനെ വളര്‍ത്താനായി തന്റെ മുത്തശിക്ക് കൈമാറിയിരിക്കുകയാണെന്നാണ് കാമുകനോട് ഫാബിയെന്നെ കള്ളംപറഞ്ഞത്. കുഞ്ഞിന്റെ അമ്മക്ക് ജീവപര്യന്തം ലഭിച്ചേക്കാന്‍ സാധ്യതയുണ്ട്.