അമേരിക്കയിലെ ചിക്കാഗോയിലുണ്ടായ വെടിവെപ്പില്‍ 12 പേര്‍ക്ക് ഗുരുതരമായി പരുക്കേറ്റു. ചിക്കാഗോയിലെ ഒരു പാര്‍ക്കിലാണ് വെടിവെപ്പ് ഉണ്ടായത്.
തെക്കുപടിഞ്ഞാറന്‍ മേഖലയിലെ കോമല്‍ സ്‌ക്വയര്‍ പാര്‍ക്കിലെ ബാസ്‌ക്കറ്റ് ബോള്‍ കോര്‍ട്ടിലായിരുന്നു വെടിവെപ്പ് നടന്നത്. ഗുണ്ടാസംഘങ്ങള്‍ തമ്മിലുള്ള പോരാണ് വെടിവെപ്പിലെത്തിയത്. തോക്കുധാരി നടത്തിയ വെടിവെപ്പില്‍ മൂന്നു വയസുള്ള ഒരു കുട്ടിയും പരുക്കേറ്റു. മൂന്നു പേരുടെ നില ഗുരുതരമാണ്.
വ്യാഴാഴ്ച്ച രാത്രി പത്തുമണിയോടെയാണ് വെടിവെപ്പ് നടന്നതെന്നും സംഭവത്തില്‍ ആരേയും കസ്റ്റഡിയില്‍ എടുത്തിട്ടില്ലെന്നും പോലീസ് അറിയിച്ചു.