ഗ്രഹണസമയത്ത് പുറത്തിറങ്ങി നടക്കാമോ? ആഹാരം കഴിക്കാമോ? ഓരോ ഗ്രഹണസമയത്തും ഉയർന്നു വരുന്ന ചോദ്യമാണിത്. ഏതൊരു സാധാരണ ദിനം പോലെത്തന്നെയാണ് ഗ്രഹണ ദിവസവും. ആയതിനാൽ ചെയ്യാൻ പാടില്ല എന്ന് പറയുന്നത് ശുദ്ധ അസംബന്ധം ആണ്.
ഒരു മൈക്രോബയോളജി ഗവേഷകസംഘം 2015ല്‍ നടന്ന സൂര്യഗ്രഹണത്തെ ഗവേഷണവിധേയമാക്കി. ഗ്രഹണ സമയത്ത് പാകം ചെയ്ത ആഹാരപദാർത്ഥങ്ങൾ ഉപയോഗിക്കാതെ നശിപ്പിച്ചുകളയണമെന്ന പ്രചാരണം അടിസ്ഥാനരഹിതമാണെന്ന് ആ ഗവേഷണ പ്രബന്ധത്തിൽ പറയുന്നു.
ഭക്ഷണം കഴിക്കാൻ പാടില്ല എന്ന് പറയുന്നത് വെറും അന്ധവിശ്വാസമാണെന്ന് ശാസ്ത്രഞ്ജർ പറയുന്നു. ഭക്ഷണം കഴിക്കുന്നതും സൂര്യഗ്രഹണവും തമ്മില്‍ യാതൊരു ബന്ധവുമില്ല. ഇത്തരം പ്രചാരണങ്ങളില്‍ കഴമ്പില്ലെന്ന് തെളിയിക്കാന്‍ പലയിടങ്ങളിലും ഇതിനിടകം പായസവിതരണം ആരംഭിച്ചിട്ടുണ്ട്.
ഗ്രഹണ സമയത്ത് സൂര്യനെ ഒരിക്കലും നഗ്ന നേത്രങ്ങള്‍ കൊണ്ടോ കൂളിങ് ഗ്ലാസ്, എക്‌സറേ ഫിലിമുകള്‍ എന്നിവ ഉപയോഗിച്ചോ വീക്ഷിക്കരുത്. അത് കാഴ്ചയ്ക്ക് തകരാറുണ്ടാക്കാം.