നിസാരമെന്നു തോന്നുമെങ്കിലും താരന്‍ സ്ത്രീകളെ ഒട്ടൊന്നുമല്ല വിഷമിപ്പിക്കുന്നത്. ചൊറിച്ചിലിനു പുറമേ മുടി കൊഴച്ചിലിനും താരന്‍ കാരണമാവുന്നു.
ശുചിത്വമില്ലായ്മയാണ് താരന്‍റെ പ്രധാന കാരണം. കാലാവസ്ഥ, വരണ്ട ചര്‍മ്മം, ധാതുജലത്തിലെ കുളി ഇവയൊക്കെ താരനു വഴിതെളിക്കും. ദിവസവും തല നന്നായി കഴുകാന്‍ ശ്രദ്ധിക്കേണ്ടതുണ്ട്.
താരനുള്ളവര്‍ എണ്ണതേച്ച് വീര്യമില്ലാത്ത സോപ്പ് ഉപയോഗിച്ച് നിത്യവും കുളിക്കണം. ആഴ്ചയിലൊരിക്കലെങ്കിലും ആന്‍റി ഡാന്‍ഡേഫ് ഷാംപൂ ഉപയോഗിക്കുന്നത് ഗുണം ചെയ്യും.
താരന്‍ അകറ്റാന്‍ ഏറ്റവും ഉത്തമമായ ഒന്നാണ് താളി തേച്ചുള്ള കുളി.