ശരീരം ആരോഗ്യത്തോടെ ഇരിക്കുന്നതിന് ആവശ്യമായ പോഷകങ്ങള്‍ ആഹാരത്തിലൂടെ ലഭ്യമാകണം. നമ്മള്‍ കഴിക്കുന്ന ആഹാരം ശരീരം ആഗീരണം ചെയ്യുന്നതിലൂടെയാണ് പോഷകം രക്തത്തിലെത്തുന്നത്. ദഹനം ആരംഭിക്കുന്നത് വായില്‍ നിന്നാണ്. വായില്‍ വച്ച് ഭക്ഷണം ചെറിയ കഷണങ്ങളാകുകയും ഉമിനീരിലുള്ള ദഹനരസങ്ങളുമായി യോജിക്കുകയും ചെയ്യുന്നു. ഈ പ്രവര്‍ത്തനം ആമാശയത്തിലും കുടലുകളിലും തുടരുന്നു. വായില്‍ വച്ച് ചവയ്ക്കുന്നമ്പോള്‍ ഭക്ഷണം എന്‍സൈമുകളായ അമിലേസ്, ലിപേസ് എന്നിവയുമായി യോജിക്കുന്നു. ഈ എന്‍സൈമുകള്‍ കാര്‍ബോഹൈഡ്രേറ്റിനേയും കൊഴുപ്പിനെയും വിഘടിപ്പിക്കുന്നു.
