സൗന്ദര്യം സംരക്ഷിക്കാൻ പല വഴികളും പരീക്ഷിക്കുന്നവരാണ് നമ്മൾ. വളരെ പാടുപെട്ട് നല്ല വില കൊടുത്ത് ക്രീമുകളും മറ്റും വാങ്ങി മുഖത്ത് അപ്ലൈ ചെയ്‌ത് വെളുപ്പ് നിലനിർത്താൻ ശ്രമിക്കുന്നവരാണ് പലരും. നമ്മുടെ വീട്ടിൽ തന്നെ നമ്മുടെ സൗന്ദര്യം നിലനിർത്താൻ പറ്റിയ വസ്‌തുക്കൾ ഉള്ളത് നമ്മൾ തിരിച്ചറിയുന്നില്ല.
നാരങ്ങ ഒരുവിധം എല്ലാ ശരീര പ്രശ്‌നങ്ങൾക്കും സൗന്ദര്യത്തിനും ഉള്ള പ്രതിവിധിയാണ്. നാരങ്ങാവെള്ളം കഴിക്കുന്നത് നമ്മുടെ എനർജി നിലനിർത്താൻ സഹായിക്കും. നാരങ്ങ മുഖത്ത് അപ്ലൈ ചെയ്യുന്നത് കറുപ്പ് നിറം മാറ്റി യുവത്വം നിലനിർത്താൻ സഹായിക്കും.
ശരീരത്തിന് ദിവസം മുഴുവന്‍ നിലനില്‍ക്കുന്ന ഉണര്‍വ്വ് പ്രദാനം ചെയ്യാന്‍ കഴിയുന്നതും ശരീരത്തിന്റെ രോഗപ്രതിരോധശേഷി വര്‍ധിപ്പിക്കുകയും ചെയ്യുന്ന മികച്ച പാനീയമാണ് ചൂട് നാരങ്ങാവെള്ളം. ഇതിലെ ജീവകങ്ങളും ധാതുക്കളും ദഹന പ്രക്രിയ എളുപ്പത്തിലാക്കുകയും ദഹനവ്യവസ്ഥയിലെത്തുന്ന ദോഷകരമായ ഘടകങ്ങളെ നിര്‍വീര്യമാക്കുകയും ചെയ്യും.
രാവിലെയും വൈകുന്നേരവും കുടിക്കുന്ന ചായയ്‌ക്ക് പകരം നാരങ്ങാ വെള്ളം കുടിക്കുന്നതും ഉത്തമമാണ്. ശരീരത്തിലെ വിഷം കളയാന്‍ ഇത്രയും പറ്റിയ പാനീയം വേറെ ഇല്ലെന്നാണ് പഴമക്കാര്‍ പറയുന്നത്. മൂത്രാശയ സംബന്ധമായ രോഗങ്ങള്‍, രക്തസമ്മര്‍ദ്ദം കുറയ്‌ക്കുന്നതിന്, തൈറോയ്ഡ് ഗ്രന്ഥി, വൃക്കഗ്രന്ഥി, ലസിക ഗ്രന്ഥി തുടങ്ങിയവയെ അണുവിമുക്തമാക്കാന്‍, എല്ലുകള്‍ക്ക് ബലം നല്‍കാനും നാരങ്ങ വെള്ളം സഹായിക്കും.