ഗര്‍ഭാധാനത്തിനു മാത്രമല്ല അല്ലാതെയുള്ള സ്ത്രീസംഗത്തിനും ഇപ്പറഞ്ഞ നിഷിദ്ധ കാലങ്ങള്‍ ഒഴിവാക്കേണ്ടതുണ്ട്. അല്ലാത്തപക്ഷം, ആയുരാരോഗ്യ സൌഖ്യത്തിനും ഐശ്വര്യത്തിനും പ്രത്യേകിച്ച്, ധനാഭിവൃദ്ധിക്കും ഹാനിയുണ്ടാവുക തന്നെ ചെയ്യും.
സല്‍‌‌സന്താനലബ്ധിക്കായി, തിരുവോണം, രോഹിണി, അത്തം, അനിഴം, ചോതി, രേവതി, മൂലം, ഉത്രം, ഉത്രാടം, ഉത്തൃട്ടാതി, ചതയം എന്നീ നക്ഷത്രങ്ങളും തിങ്കള്‍, വ്യാഴം, വെള്ളി, ബുധന്‍ ആഴ്ചകളും ഉത്തമമാണ്. ഇടവം, മകരം, കര്‍ക്കിടകം, ചിങ്ങം, കന്നി, തുലാം, കുംഭം, ധനു, മീനം രാശികളില്‍ ഒരു രാശിയും ആ രാശിക്ക് അഷ്ടമ ശുദ്ധിയും ശുഭഗ്രഹ ബന്ധവും ഉണ്ടായിരിക്കേണ്ടതാണ്.