ലയണല്‍ സ്‌കലോണിയുടെ പരിശീലനത്തിന് കീഴിലാണ് കോപ്പ അമേരിക്ക കിരീടവും ലോകകപ്പും അര്‍ജന്റീന നേടിയത്. ഇതിനിടെ അര്‍ജന്റീനയുടെ ഭാവിയെ പറ്റി പ്രതികരിക്കുകയായിരുന്നു സ്‌കലോണി. പരിശീലകനെന്ന നിലയില്‍ എനിക്ക് മികച്ച പിന്തുണയാണ് ലഭിച്ചത്. അര്‍ജന്റീനയ്ക്ക് മുഴുവന്‍ ഊര്‍ജമുള്ള ഒരു പരിശീലകനെ ആവശ്യമുണ്ട്. ഞാന്‍ എഫ് എ പ്രസിഡന്റുമായും കളിക്കാരുമായും പിന്നീട് സംസാരിക്കും. സ്‌കലോണി പറഞ്ഞു. കളി നിലവാരം എപ്പോഴും ഉയര്‍ന്ന് നില്‍ക്കണം. എനിക്ക് കുറച്ചധികം ചിന്തിക്കേണ്ടതുണ്ട്. ഇത് വിട പറയലോ മറ്റോ അല്ല. സ്‌കലോണി വ്യക്തമാക്കി.
