ഫ്രഞ്ച്‌ ഫുട്‌ബോള്‍ ക്ലബ്‌ പാരീസ്‌ സെയിന്റ്‌ ജെര്‍മെയ്‌ന്‍ വിടില്ലെന്നു ബ്രസീലിന്റെ സൂപ്പര്‍ താരം നെയ്‌മര്‍. സാവോ പോളോയില്‍ തന്റെ സന്നദ്ധ സംഘടനയുടെ ഒരു ലേല പരിപാടിയുമായി ബന്ധപ്പെട്ട പത്രസമ്മേളനത്തിലാണു നെയ്‌മര്‍ മനസ്‌ തുറന്നത്‌.
ലോകകപ്പ് ഫുട്ബോൾ കഴിഞ്ഞതോടെ നെയ്മർ പി എസ് ജി വിടുമെന്ന് റിപ്പോർട്ടുകളുണ്ടായിരുന്നു. ഈ ആരോപണങ്ങൾക്ക് എന്തായാലും ഇപ്പോൾ അന്ത്യമായിരിക്കുകയാണ്. കഴിഞ്ഞ വര്‍ഷമാണു നെയ്‌മര്‍ സ്‌പാനിഷ്‌ ക്ലബ്‌ ബാഴ്‌സലോണയില്‍ റെക്കോഡ്‌ തുകയ്‌ക്കു പി.എസ്.ജിയിലെത്തിയത്‌.
നെയ്‌മര്‍ റയാല്‍ മാഡ്രിഡില്‍ ചേരുമെന്ന അഭ്യൂഹങ്ങള്‍ ശക്‌തമായിരുന്നു. ക്രിസ്‌റ്റ്യാനോ റൊണാള്‍ഡോ റയാല്‍ വിട്ടതോടെ പകരം നെയ്‌മര്‍ എത്തുമെന്നായിരുന്നു അഭ്യൂഹം. നെയ്‌മറിനെ വില്‍ക്കാന്‍ പി.എസ്.ജി. താല്‍പര്യം പ്രകടിപ്പിച്ചതായി ബ്രിട്ടീഷ്‌ മാധ്യമങ്ങളും പുറത്തുവിട്ടിരുന്നു. ഏതായാലും അഭ്യൂഹങ്ങൾക്ക് വിരാമമിട്ടിരിക്കുകയാണ്.