ഇരുവരുടെയും കളിയിൽ മത്സരബുദ്ധിയോടെയുള്ള പെരുമാറ്റങ്ങൾ പലതവണ കണ്ടവരാണ് ആരാധകർ. സൂപ്പർ താരങ്ങളെയെല്ലാം പിന്നിലാക്കി കഴിഞ്ഞ പത്തുവർഷമായി ഇരുവരും മത്സരിക്കുകയാണ്. ഇതിനോടകം, ലോകത്തിലെ മികച്ച താരത്തിനുള്ള വ്യക്തിഗത നേട്ടങ്ങള്‍ മുഴുവന്‍ പങ്കിട്ടെടുത്തതും ഈ രണ്ടു താരങ്ങളാണ്.
കളികൾക്കും പരിശീലനത്തിനും ശേഷം വീട്ടിൽ എത്തിയാലാണ് റൊണാൾഡോ തന്റെ ഊർജ്ജം വീണ്ടെടുക്കുന്നത്. അതുകൊണ്ട്, താരത്തെ പ്രകോപിപ്പിക്കുന്നതോ അലസരപ്പെടുത്തുന്നതോ ആയ ഒരു കാര്യവും പറയാതിരിക്കാൻ ശ്രമിക്കാറുണ്ട് എന്ന് ഫ്രഞ്ച് മാധ്യമം എല്‍ എക്വിപ്പയ്ക്ക് നൽകിയ അഭിമുഖത്തിൽ സഹോദരി കാറ്റിയ പറഞ്ഞു.
