മത്സരത്തിന്റെ തുടക്കത്തിൽ തന്നെ ബാഴ്സ ഡിപോര്‍ട്ടിവോയ്ക്കെതിരെ കരുത്ത് കാട്ടി. കളിയുടെ ആറാം മിനിറ്റിൽ കുട്ടീഞ്ഞോയിലൂടെ ബാഴ്സ ആദ്യ ലീഡ് കണ്ടെത്തി. തുടർച്ചയായ രണ്ട് ഗോളുകൾക്ക് പിന്നിലായതിനു ശേഷം ഡിപോര്‍ട്ടിവോ വലിയ തിരിച്ചു വരവിനൊരുങ്ങിയെങ്കിലും മെസ്സിയുടെ ഹാട്രിക് നേട്ടം ഡിപോർട്ടിവോയുടെ സ്വപ്നങ്ങൾക് തടയിട്ടു.
37ആം മിനിറ്റിലും 81ആം മിനിറ്റിലും, 84ആം മിനിറ്റിലും എതിർ വലയിലേക്കുള്ള മെസ്സിയുടെ പടയോട്ടം ലക്ഷ്യം കണ്ടു. ഇതോടെ സീസണിൽ മെസ്സി 32 ഗോളുകൾ തികച്ചു. ലൂക്കാസ് പെരസും കൊളാകുമാണ് ഡിപോര്‍ട്ടിവോയ്ക്കായി ഗോളുകള്‍ കണ്ടെത്തി തിരിച്ചു വരവിനൊരുങ്ങിയെങ്കിലും പിന്നീട് മുന്നേറ്റങ്ങളുണ്ടാക്കാൻ ടീമിനായില്ല.
