ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന്റെ നായകൻ സന്ദേഷ് ജിങ്കനാണ്. എന്നാൽ, ജിങ്കനെ പോളൊരു യുവതാരത്തെ ബ്ലാസ്റ്റേഴ്സിന്റെ ക്യാപ്റ്റനാക്കിയതിന്റെ അമ്പരപ്പ് ആരാധകർക്കിടയിൽ വ്യക്തമായിരുന്നു. എന്നാൽ, നായക സ്ഥാനത്തേക്ക് എന്തുകൊണ്ടും യോഗ്യൻ ജിങ്കൻ തന്നെയെന്ന് വ്യക്തമാക്കുന്ന റിപ്പോർട്ടുകളാണ് ഇപ്പോൾ പുറത്തുവരുന്നത്.
അഞ്ചു കോടി രൂപയാണ് കൊൽക്കത്ത ജിങ്കന് ഓഫർ ചെയ്തത്. ബ്ലാസ്റ്റേഴ്സിൽ നിന്നും താരങ്ങൾ കൊഴിഞ്ഞു തുടങ്ങിയ സമയത്തായിരുന്നു അത്. പക്ഷേ, അഞ്ച് കോടി കണ്ടിട്ടും ജിങ്കന്റെ കണ്ണ് മഞ്ഞളിച്ചില്ല. ഇത്രയും മികച്ചൊരു ടീം ഇന്ത്യയില്‍ ലഭിക്കില്ലെന്ന് പറഞ്ഞായിരുന്നുവത്രേ കൊല്‍ക്കത്തയുടെ ഓഫര്‍ ജിങ്കന് വേണ്ടെന്ന് വെച്ചത്.
