Lionel Messi: കോപ്പ അമേരിക്ക ഫൈനലില്‍ അര്‍ജന്റീനയ്ക്കായി മുഴുവന്‍ സമയം കളിക്കാനാവാതെ ലയണല്‍ മെസി. മത്സരത്തിന്റെ 65-ാം മിനിറ്റില്‍ പരുക്കിനെ തുടര്‍ന്ന് മെസി കളം വിട്ടു. നടക്കാന്‍ പോലും പ്രയാസപ്പെട്ട മെസി കരഞ്ഞുകൊണ്ടാണ് ഗ്രൗണ്ട് വിട്ടത്. ബെഞ്ചില്‍ എത്തിയ ശേഷവും പൊട്ടിക്കരയുന്ന മെസിയെയാണ് ആരാധകര്‍ കണ്ടത്. ഗ്രൗണ്ടില്‍ നിന്ന് തിരിച്ചുപോകുന്ന സമയത്ത് ടീമിനായി മുഴുവന്‍ സമയം കളിക്കാന്‍ സാധിക്കാത്തതിന്റെ വിഷമത്തില്‍ മെസി ബൂട്ട് വലിച്ചെറിയുകയും ചെയ്തു.
