കോപ്പ അമേരിക്ക: ബ്രസീല്‍ ടീമിനെ അടുത്തമാസം പ്രഖ്യാപിക്കും
ചിലിയില്‍ വെച്ച് നടക്കുന്ന കോപ്പ അമേരിക്ക ഫുട്‌ബോള്‍ ടൂര്‍ണമെന്റിനുള്ള ബ്രസീല്‍ ടീമിനെ മെയ് 5 ന് പ്രഖ്യാപിക്കും. ബ്രസീല്‍ കോച്ച് ദുംഗയാണ് ടീമിനെ പ്രഖ്യാപിക്കുന്നത്. രാജ്യത്തെ ഫുട്‌ബോള്‍ ഫെഡറേഷന്‍ (സിബിഎഫ് ) ആണ് ഇക്കാര്യം അറിയിച്ചത്.
ടൂര്‍ണമെന്റില്‍ പെറു, കൊളംബിയ, വെനസ്വേല എന്നിവരാണ് സെലസോവകളുടെ ഗ്രൂപ്പ് ഘട്ടത്തിലെ എതിരാളികള്‍. ടൂര്‍ണമെന്റിനു മുന്നോടിയായി മെക്‌സിക്കോ, ഹോണ്ടുറാസ് എന്നിവരുമായി സന്നാഹമത്സരത്തിന് ബ്രസീല്‍ കളത്തിലിറങ്ങുമെന്ന് ദുംഗ വ്യക്തമാക്കി. കോപ അമേരിക്കയില്‍ മഞ്ഞപ്പട ഇതുവരെ എട്ടു തവണ മുത്തമിട്ടിട്ടുണ്ട്.
