മത്സരത്തിലുടനീളം മെസിയായിരുന്നു ഉറുഗ്വായ് താരങ്ങളുടെ ലക്ഷ്യം. മെസിയുടെ മുന്നേറ്റങ്ങള്‍ക്ക് തടയിടാന്‍ ഒരേസമയം മൂന്നും നാലും ഉറുഗ്വായ് താരങ്ങള്‍ ഓടിയെത്തി. പലപ്പോഴും മെസി ഫൗളുകള്‍ക്ക് ഇരയായി. പന്ത് മെസിയുടെ കാലിലാണെങ്കില്‍ ഉറുഗ്വായ് ടീം താരങ്ങള്‍ അദ്ദേഹത്തിനു ചുറ്റും വട്ടമിടുന്ന കാഴ്ചയാണ് ഇന്നത്തെ മത്സരത്തില്‍ പലപ്പോഴും കണ്ടത്. അര്‍ജന്റീന റോഡ്രിഗസിലൂടെ നേടിയ ഗോളിന് വഴിയൊരുക്കിയത് മെസിയാണ്. മത്സരത്തിലെ താരവും മെസി തന്നെ. ആദ്യ മത്സരത്തിലും മെസി തന്നെയായിരുന്നു കളിയിലെ താരം.
