മോഹന്‍ലാല്‍ ആരാധകര്‍ക്ക് ആശ്വാസവുമായി വന്ന സിനിമയായിരുന്നു നേര്. ഇപ്പോള്‍ വന്‍ കുതിപ്പാണ് ചിത്രം നടത്തുന്നത്. ജിത്തു ജോസഫ് സംവിധാനം ചെയ്ത ചിത്രം ബോക്‌സ് ഓഫീസ് കളക്ഷന്‍ റെക്കോര്‍ഡുകള്‍ ഓരോന്നായി മറികടക്കുകയാണ്. മമ്മൂട്ടി ചിത്രമായ കണ്ണൂര്‍ സ്‌ക്വാഡ്, പ്രേക്ഷകരെ കുടുകുടാ ചിരിപ്പിച്ച രോമാഞ്ചം എന്നീ സിനിമകളെ നേര് മറികടന്നു. മോഹന്‍ലാലിന്റെ തിരിച്ചുവരവ് എന്ന വാര്‍ത്ത കാട്ടുതീ പോലെ പടര്‍ന്നത് ചിത്രത്തിന് ഗുണം ചെയ്തു. സിനിമയുടെസിനിമയുടെ റിലീസ് ദിനംമുതല്‍ മികച്ച പ്രതികരണമാണ് ചിത്രത്തിന് ഇതുവരെ ലഭിച്ചുകൊണ്ടിരിക്കുന്നത്.
മോഹന്‍ലാലിന്റെ വ്യത്യസ്തമായ കഥാപാത്രം എന്നാണ് പലരും അഭിപ്രായപ്പെട്ടത്. ഇത് കാണാനാണ് തിയേറ്ററുകളിലേക്ക് ആളുകള്‍ ഇരച്ചെത്തുന്നത്. 2023ലെ ടോപ് ഫൈവ് ലിസ്റ്റില്‍ ആദ്യ സ്ഥാനങ്ങളില്‍ നില്‍ക്കുന്ന 2018, ആര്‍ ഡി എക്‌സ് എന്നീ ചിത്രങ്ങളാണ് ഇനി നേരിനു മുന്നില്‍ ഉള്ളത്. നിലവിലെ സാഹചര്യത്തില്‍ ആര്‍ ഡി എക്‌സിനെയും നേര് മറികടക്കാന്‍ സാധ്യതയുണ്ടെന്നാണ് അനലിറ്റിക്‌സുകള്‍ പറയുന്നത്.