റഹ്‌മാന്‍ തരംഗമായി നിന്ന ഒരു കാലമുണ്ടായിരുന്നു മലയാള സിനിമയില്‍. അന്ന് സിനിമകള്‍ വിജയിക്കണമെങ്കില്‍ റഹ്‌മാന്‍റെ സാന്നിധ്യം മാത്രം മതിയായിരുന്നു. റഹ്‌മാന്‍റെ നൃത്തം ഹരമായിരുന്നു യുവാക്കള്‍ക്ക്. അന്ന് സൂപ്പര്‍താരമായിരുന്ന മമ്മൂട്ടി ഏറെ ഭയന്ന താരമായിരുന്നു റഹ്‌മാന്‍.
തന്‍റെ താരപദവിക്ക് റഹ്‌മാന്‍റെ മുന്നേറ്റം പ്രശ്നം സൃഷ്ടിക്കുമോ എന്ന് ഭയന്നിരുന്നു മമ്മൂട്ടി. തന്‍റെ ആശങ്കകള്‍ അന്നത്തെ പ്രമുഖ സംവിധായകരോടും എഴുത്തുകാരോടുമൊക്കെ മമ്മൂട്ടി പങ്കുവച്ചിരുന്നു.
എന്നാല്‍ ആദ്യം റഹ്‌മാന്‍റെ മുന്നേറ്റത്തിനുമുന്നില്‍ പകച്ചെങ്കിലും അതിനൊപ്പം കഠിനാദ്ധ്വാനം ചെയ്ത് മമ്മൂട്ടി ആ പ്രതിസന്ധി മറികടന്നു. പതിറ്റാണ്ടുകള്‍ക്ക് ശേഷവും മമ്മൂട്ടി മലയാളത്തിലെ ഒന്നാം നമ്പന്‍ താരമായി തുടരുന്നു. മലയാളത്തില്‍ നിന്ന് മറ്റ് ഭാഷകളിലേക്ക് ഭാഗ്യമന്വേഷിച്ചുപോയ റഹ്‌മാനാകട്ടെ കഴിവിനൊത്ത ഒരു സ്ഥാനത്തേക്ക് എത്തിയതുമില്ല.
മലയാള സിനിമയില്‍ നിന്ന് അകന്നുപോയ റഹ്‌മാന്‍ പിന്നീട് തിരിച്ചുവരവ് നടത്തിയതും മമ്മൂട്ടിച്ചിത്രത്തിലൂടെയായിരുന്നു. രഞ്ജിത് സംവിധാനം ചെയ്ത ബ്ലാക്ക്.