18 വര്‍ഷങ്ങള്‍ക്കുശേഷം ഇരുവരും ഒന്നിക്കുന്നു,വിജയ്‌ക്കൊപ്പം ആ നടന്‍ വീണ്ടും, 'ദളപതി 68'ല്‍ സര്‍പ്രൈസ് കാസ്റ്റിംഗ്
പ്രഭുദേവ, പ്രശാന്ത്, ലൈല, സ്‌നേഹ, ജയറാം, അജ്മല്‍, യോഗി ബാബു, വിടിവി ഗണേഷ്, വൈഭവ്, പ്രേംജി അമരന്‍ തുടങ്ങിയ താരനിര സിനിമയില്‍ അണിനിരക്കുന്നു. തീര്‍ന്നില്ല ആ നിലയിലേക്ക് പുതിയ ഒരാളുടെ കൂടി പേര് ചേര്‍ത്തിരിക്കുകയാണ്.മലേഷ്യന്‍ നടന്‍ യുഗേന്ദ്രന്‍ വിജയ്‌ക്കൊപ്പം അഭിനയിക്കും. ഇത് ആദ്യമായല്ല വിജയ് -യുഗേന്ദ്രന്‍ കോമ്പോ സ്‌ക്രീനില്‍ ഒന്നിച്ചെത്തുന്നത്.പേരരശിന്റെ സംവിധാനത്തില്‍ 2005 ല്‍ പുറത്തിറങ്ങിയ തിരുപ്പാച്ചിയിലായിരുന്നു ഇരുവരെയും ഒന്നിച്ച് ഒടുവില്‍ കണ്ടത്.ഇന്‍സ്‌പെക്ടര്‍ വേലുച്ചാമി എന്ന കഥാപാത്രത്തെ ആയിരുന്നു വേലുച്ചാമി അവതരിപ്പിച്ചത്. 18 വര്‍ഷങ്ങള്‍ക്കുശേഷം ഇരുവരും ഒന്നിക്കുന്നത് കാണാനായി കാത്തിരിക്കുകയാണ് ആരാധകര്‍ . അതേസമയം ഇതുമായി ബന്ധപ്പെട്ട ഔദ്യോഗിക പ്രഖ്യാപനം ഇതുവരെയും വന്നിട്ടില്ല.
