തമിഴ് സിനിമയിലെ എക്കാലത്തെയും വലിയ ഓപ്പണിംഗ് സ്വന്തമാക്കിയാണ് വിജയുടെ ലിയോ പ്രദര്‍ശനം ആരംഭിച്ചത്. തമിഴ്‌നാട്ടിന് പുറത്ത് ലിയോ വലിയ നേട്ടം ഉണ്ടാക്കിയത് കേരളത്തിലായിരുന്നു. ഒരു തമിഴ് സിനിമ കേരളത്തില്‍ നേടുന്ന ഏറ്റവും വലിയ കളക്ഷനാണ് വിജയ് ചിത്രം നേടിയത്. കേരളത്തിലെ ഷെയര്‍ എത്രയെന്ന് കണക്കുകളും പുറത്തുവന്നിട്ടുണ്ട്.
കേരളത്തിലെ ഫൈനല്‍ ഗ്രോസ് 60.05 കോടിയാണെന്നാണ് റിപ്പോര്‍ട്ടുകള്‍. ഇതില്‍ നിന്നുള്ള ഷെയര്‍ 23.85 കോടിയാണെന്നാണ് വിവരം. ആഗോള ബോക്‌സ് ഓഫീസ് കളക്ഷന്‍ 600 കോടി കടന്നു. 2023ലെ തമിഴ് സിനിമയിലെ ഏറ്റവും വലിയ സാമ്പത്തിക വിജയചിത്രമായി ലിയോ മാറിയിരുന്നു. കോളിവുഡിലെ എക്കാലത്തെയും വലിയ രണ്ടാമത്തെ ഹിറ്റുമാണ് ചിത്രം.രജനികാന്തിന്റെ 2.0 ആണ് ഒന്നാമത് ഉള്ളത്.
