തന്റെ പ്രണയകാല സംഭവങ്ങളെക്കുറിച്ച് 'വനിത'യ്‌ക്ക് നൽകിയ അഭിമുഖത്തിൽ വിജയ് സേതുപതി തുറന്നുപറഞ്ഞു. ‘എന്റെ സുഹൃത്ത് ചന്ദ്രുവിന് ജെസിയുടെ കമ്പനിയിലായിരുന്നു ജോലി. അവനാണ് ജെസി മലയാളിയാണെന്നും, കൊല്ലമാണ് നാട് എന്നൊക്കെ പറഞ്ഞത്. യാഹൂ ചാറ്റ് വഴിയാണ് കൂടുതൽ അറിഞ്ഞത്. ഐ ലവ് യൂ എന്ന് ചോദിച്ചല്ല ഞാൻ പ്രൊപ്പോസ് ചെയ്‌തത്, ‘നമുക്ക് കല്യാണം കഴിച്ചാലോ’ എന്ന് നേരെയങ്ങ് ചോദിക്കുകയായിരുന്നു. ഒട്ടും ആലോചിക്കാതെ അവള്‍ ഓകെ പറഞ്ഞു. നിശ്ചയത്തിന്റെ അന്നാണ് നേരില്‍ക്കാണുന്നത്’ സേതുപതി പറഞ്ഞു.
