തിരുവനന്തപുരത്ത് നിന്ന് മൃതദേഹം ആലപ്പുഴയിലേക്ക് എത്തിച്ചപ്പോള്‍ പിണറായി അവിടെയും സാന്നിധ്യം അറിയിച്ചു. ആലപ്പുഴയില്‍ നടന്ന മൂന്ന് ചടങ്ങുകളിലും മുഖ്യമന്ത്രി അന്ത്യോപചാരം അര്‍പ്പിച്ചു. ചൊവ്വാഴ്ച രാത്രി ജില്ലയില്‍ എത്തിയ മുഖ്യമന്ത്രി പിണറായി വിജയന്‍ ബുധന്‍ രാവിലെ സിപിഎം ജില്ലാ കമ്മിറ്റി ഓഫീസിലും പിന്നീട് ആലപ്പുഴ കടപ്പുറത്ത് റിക്രിയേഷന്‍ ഗ്രൗണ്ടില്‍ നടന്ന പൊതുദര്‍ശനത്തിലും വൈകിട്ട് രാത്രി ഒന്‍പത് മണിയോടുകൂടി വലിയ ചുടുകാട്ടില്‍ നടന്ന സംസ്‌കാര ചടങ്ങിലും പങ്കെടുത്ത് അന്ത്യോപചാരം അര്‍പ്പിച്ചു. തുടര്‍ന്ന് സര്‍വ്വകക്ഷി അനുശോചന യോഗത്തിലും സംസാരിച്ചു.
