വിക്രം നായകനാകുന്ന ചിത്രമാണ് സാമി 2. സാമിയുടെ ആദ്യഭാഗത്ത് തൃഷയായിരുന്നു വിക്രത്തിന്റെ നായിക. എന്നാൽ, രണ്ടാം ഭാഗം ഒരുക്കിയപ്പോൾ കീർത്തി സുരേഷാണ് പ്രധാന നായികയായി എത്തുന്നത്. തൃഷയെ പരിഗണിച്ചെങ്കിലും പിന്നീട് തൃഷ ചിത്രത്തിൽ നിന്നും പിന്മാറുകയായിരുന്നു.
തിരക്കഥ ഇഷ്ടപ്പെടാത്തതിനാല്‍ പിന്മാറുന്നു എന്നായിരുന്നു തൃഷ വ്യക്തമാക്കിയത്. പക്ഷേ, തൃഷ ചിത്രത്തിലുണ്ടെന്ന രീതിയിൽ വീണ്ടും വാർത്തകൾ വന്നു. എന്നാൽ, ഇക്കാര്യത്തിൽ വ്യക്തമായ മറുപടിയുമായി രംഗത്തെത്തിയിരിക്കുകയാണ് ചിത്രത്തിന്റെ നിർമാതാവ് ഷിബു തമീൻസ്.
