മൂന്നു നാല് പ്രണയബന്ധങ്ങള്‍,വലിയ പ്രേമരോഗി , ആ കാലത്തെക്കുറിച്ച് ദിയ കൃഷ്ണ

ദിയ കൃഷ്ണ- അശ്വിന്‍ ഗണേഷ് വിശേഷങ്ങള്‍ അറിയുവാന്‍ ആരാധകര്‍ക്ക് വലിയ ഇഷ്ടമാണ്.ഇപ്പോഴിതാ ദിയ കൃഷ്ണ തന്റെ മുന്‍കാല പ്രണയബന്ധങ്ങളെ കുറിച്ച് പറയുകയാണ്.പ്രതിശ്രുത വരനായ അശ്വിനോടൊപ്പമുളള വീഡിയോയിലാണ് ദിയ ഇക്കാര്യത്തെക്കുറിച്ച് പറഞ്ഞത്.

മൂന്നു നാല് പ്രണയബന്ധങ്ങള്‍ തനിക്ക് ഉണ്ടായിരുന്നു എന്നാണ് ദിയ പറഞ്ഞത്. എന്നാല്‍ ആ പുരുഷന്മാര്‍ക്കൊക്കെ മറ്റു സ്ത്രീകളുമായി ബന്ധമുണ്ടായിരുന്നതിനാല്‍ അവരെ ഒഴുവാക്കിയെന്ന് ദിയ കൃഷ്ണ പറയുന്നു.

'മോശപ്പെട്ട ഒരു ഭൂതകാലം ഉണ്ടായിരുന്നോ എന്ന് ചോദിച്ചാല്‍ എനിക്ക് മോശമായ ഒരു ഭൂതകാലം ഉണ്ടായിരുന്നു എന്ന് പറയേണ്ടിവരും. ഞാന്‍ ഒരു വലിയ പ്രേമരോഗി ആണ്. ഞാന്‍ ഒരുപാട് റൊമാന്റിക് ആയ ആളാണ്. ഒരു മോശം അനുഭവം വന്നാല്‍ മാത്രമേ പിന്നീട് നന്നായി മുന്നോട്ട് പോകാന്‍ പറ്റൂ. നല്ലൊരു ജീവിതം ഉണ്ടായിട്ട് നമ്മുടെ കൈപ്പിഴ കൊണ്ട് ഒരു മോശം അനുഭവം ഉണ്ടായെങ്കില്‍ അതില്‍ നമ്മള്‍ പശ്ചാത്തപിക്കേണ്ടി വരും.

പക്ഷേ എന്റെ കാര്യം അങ്ങനെ അല്ല. എന്റെ ജീവിതത്തില്‍ എനിക്ക് മൂന്നുനാലു പ്രണയബന്ധങ്ങള്‍ ഉണ്ടായിട്ടുണ്ട്',- ദിയ കൃഷ്ണ പറഞ്ഞു.