ഒരു നല്ല സിനിമ കാണാന്‍ ആഗ്രഹിക്കുന്നുണ്ടോ ? തീര്‍ച്ചയായും നിങ്ങള്‍ കാണേണ്ട ഒരു സിനിമ ബോളിവുഡില്‍ 2023 റിലീസായിട്ടുണ്ട്.വിധു വിനോദ് ചോപ്ര രചനയും സംവിധാനവും നിര്‍മ്മാണവും നിര്‍വഹിച്ച ബയോപിക് ചിത്രമാണ് '12-ത് ഫെയില്‍'(12th Fail).ദാരിദ്ര്യത്തെ അതിജീവിച്ച് ഇന്ത്യന്‍ പോലീസ് സര്‍വീസ് ഓഫീസറായി മാറിയ മനോജ് കുമാര്‍ ശര്‍മ്മയുടെ യഥാര്‍ത്ഥ ജീവിത കഥ തന്റെ കണ്ണുകള്‍ നിറച്ചു എന്നാണ് മലയാള സംവിധായകന്‍ റോജിന്‍ തോമസ് സോഷ്യല്‍ മീഡിയയില്‍ എഴുതിയത്. അനുരാഗ് പഥക്കിന്റെ 2019-ലെ നോണ്‍-ഫിക്ഷന്‍ പുസ്തകത്തെ ആസ്പദമാക്കിയാണ് ചിത്രം നിര്‍മ്മിച്ചിരിക്കുന്നത്.
വിക്രാന്ത് മാസി ടൈറ്റില്‍ റോളില്‍ എത്തിയ ചിത്രത്തില്‍ മേധാ ശങ്കര്‍, അനന്ത് വി ജോഷി, അന്‍ഷുമാന്‍ പുഷ്‌കര്‍, പ്രിയാന്‍ഷു ചാറ്റര്‍ജി എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.
