ഷക്കീലയുടെ ജീവിതകഥ പറയുന്ന 'ഷക്കീല' എന്ന ചിത്രം തിയേറ്ററുകളിലേക്ക് എത്താൻ പോകുകയാണ്. റിച്ച ഛദ്ദയാണ് ചിത്രത്തിൽ ഷക്കീലയെ അവതരിപ്പിക്കുന്നത്. പോണ്‍ താരം എന്നൊരു നടിയെ വിളിക്കുന്നത് പുരുഷാധിപത്യ ലക്ഷണമാണെന്നാണ് റിച്ച പറയുന്നത്. ചിത്രത്തിന്റെ വിശേഷങ്ങളുമായി ഐ എ എൻ എസിന് നൽകിയ അഭിമുഖത്തിലാണ് റിച്ച് മനസ്സ് തുറന്നത്.
‘ഒരു അഡള്‍ട് സിനിമാ താരത്തെ പോണ്‍ താരം എന്ന് വിളിക്കുന്നത് പുരുഷ മേധാവിത്വത്തിന്റെ ലക്ഷണമാണ്. അഡള്‍ട് വിഷയം കൈകാര്യം ചെയ്യുന്ന സിനിമകളുടെ ഭാഗമായ ഒരു നടിയോട് അനാദരവ് കാണിക്കുകയാണ് നിങ്ങള്‍ ചെയ്യുന്നത്.. എന്നിട്ട് ആ ചിത്രങ്ങള്‍ നിങ്ങള്‍ തന്നെ ആര്‍ത്തിയോടെ കാണുകയും ചെയ്യുന്നു. ആ ചിത്രങ്ങള്‍ പണം വാരുകയും ചെയ്യുന്നു. എന്ത് കാപട്യമാണിത്. ഇവിടെ ഒരു മാര്‍ക്കറ്റ് ഉള്ളതു കൊണ്ടാണ് അഡള്‍ട് ചിത്രങ്ങള്‍ ഉണ്ടാകുന്നത്’-റിച്ച പറഞ്ഞു.
