കേരളത്തിന് പുറത്ത് തമിഴ്‌നാട്ടിലും തെലുങ്ക് നാടുകളിലും പ്രേമലു ചര്‍ച്ചയാക്കുകയാണ്. മികച്ച പ്രതികരണങ്ങളുമായി മുന്നേറുന്ന ചിത്രം 4 ആഴ്ചയായിട്ടും കളക്ഷന്‍ താഴേക്ക് പോകുന്നില്ല. ഓരോ ദിവസവും കുതിക്കുന്ന കാഴ്ചയാണ് കാണുന്നത്.പ്രേമലുവിന്റെ ഒടിടി റൈറ്റ്‌സ് വിറ്റുവെന്ന റിപ്പോര്‍ട്ടാണ് ഇപ്പോള്‍ പുറത്തുവന്നിരിക്കുന്നത്.
നസ്‌ലെന്റെ പ്രേമലു ആഗോളതലത്തില്‍ 70 കോടി ക്ലബ്ബില്‍ എത്തിയിട്ടുണ്ടെന്നാണ് റിപ്പോര്‍ട്ടുകള്‍. കേരളത്തില്‍നിന്ന് മാത്രം ഇപ്പോഴും ഒരു കോടി കളക്ഷന്‍ പ്രേമലു നേടുന്നുണ്ട്. ഈ സാഹചര്യത്തില്‍ നൂറുകോടി ക്ലബ്ബില്‍ പ്രേമലു എത്തുമെന്ന് കാര്യത്തില്‍ തര്‍ക്കമില്ല.അങ്ങനെയായാല്‍ സോളോ നായകനെന്ന നിലയില്‍ സിനിമ നസ്‌ലെന് വലിയ അവസരങ്ങളാണ് മുന്നിലുള്ളത്.
