കാർ അപകടത്തെ തുടർന്നായിരുന്നു വയലിനിസ്‌റ്റ് ബാലഭാസ്‌ക്കറും മകളും മരിച്ചത്. ക്ഷേത്രദർശനം കഴിഞ്ഞ് മടങ്ങും വഴിയായിരുന്നു അപകടം. അപകടത്തിൽ മകൾ തേജസ്വിനി അന്ന് തന്നെ മരണപ്പെട്ടു. ദിവസങ്ങൾ കഴിഞ്ഞ് ബാലുവും മരണപ്പെടുകയായിരുന്നു. അപകടത്തെ തുടർന്നുണ്ടായ പരുക്കിൽ അബോധാവസ്ഥയിലായിരുന്ന ഭാര്യ ലക്ഷ്മി ദിവസങ്ങൾ കഴിഞ്ഞാണ് കണ്ണ് തുറന്നത്.
എന്നാൽ, അപകടം സംഭവിച്ചതിന് ദിവസങ്ങൾ കഴിഞ്ഞപ്പോൾ തന്നെ ബാലുവിന്റേത് ഒരു കൊലപാതകമാണെന്ന തരത്തിലുള്ള വാർത്തകളും വന്നിരുന്നു. എന്നാൽ, ആരും പരാതി നൽകിയിരുന്നില്ല. ഇപ്പോൾ ഭാര്യ ലക്ഷ്‌മിയുടേയും ഡ്രൈവർ അർജുന്റേയും മൊഴിയിലെ വൈരുദ്ധ്യമാണ് കുടുംബക്കാർക്ക് സംശയമുണ്ടാക്കിയിരിക്കുന്നത്.
