ബോളിവുഡ് താരം സോനം കപൂര്‍ 2022-ലാണ് അമ്മയായത്. കുഞ്ഞ് പിറന്ന ശേഷമുണ്ടായ അനുഭവങ്ങളെക്കുറിച്ചും കരിയറില്‍ നിന്ന് ഇടവേള എടുത്തതിനെ കുറിച്ചുമെല്ലാം നടി നേരത്തെ തുറന്നു പറഞ്ഞിട്ടുണ്ട്. ഇപ്പോഴിതാ ശരീരഭാരം കുറയ്ക്കാനുള്ള തീവ്ര ശ്രമത്തിലാണ് നടി. ശരീരഭാരം 20 കിലോഗ്രാം കുറഞ്ഞെന്ന് സോനം പറയുന്നു.
'അടിപൊളി..20 കിലോഗ്രാം കുറഞ്ഞിരിക്കുന്നു..ഇനി ആറു കിലോഗ്രാം കൂടി കുറയ്ക്കാനുണ്ട്'- സോനം സോഷ്യല്‍ മീഡിയയില്‍ എഴുതി.
വര്‍ഷങ്ങളുടെ പ്രണയത്തിന് ശേഷമാണ് 2018 ല്‍ സോനവും ആനന്ദ് അഹൂജയും ഒന്നിച്ച് ജീവിക്കാന്‍ തീരുമാനിച്ചത്. വിവാഹം കഴിഞ്ഞ് നാല് വര്‍ഷത്തിനു ശേഷമാണ് നടി അമ്മയായത്.2022 ഓഗസ്റ്റ് 20ന് ഇരുവര്‍ക്കും ആണ്‍കുഞ്ഞ് പിറന്നു. കുഞ്ഞിന് ഒന്നര വയസ്സ് പ്രായമുണ്ട്.വായു കപൂര്‍ അഹൂജ എന്നാണ് അവന്റെ പേര്.