ബോളിവുഡ് ആരാധകര്‍ കാത്തിരിക്കുന്ന താരവിവാഹമാണ് വിക്കി കൗശലിന്റേയും കത്രീന കൈഫിന്റേയും. ഡിസംബറില്‍ ആകും കല്യാണം എന്നാണ് പുറത്തുവരുന്ന റിപ്പോര്‍ട്ടുകള്‍. ഇരുവരുടേയും കുടുംബങ്ങള്‍ വിവാഹത്തിനായുള്ള ഒരുക്കങ്ങള്‍ തുടങ്ങി എന്നും കേള്‍ക്കുന്നുണ്ട്. എന്നാല്‍ താരങ്ങള്‍ ഇതിനെക്കുറിച്ചുളള ഒരു കാര്യവും വെളിപ്പെടുത്തിയിട്ടില്ല. അതിനിടെ താര വിവാഹം രഹസ്യമായി കഴിഞ്ഞു എന്നുവരെ വാര്‍ത്തകള്‍ പ്രചരിച്ചു. അതിന് ഒരു അഭിമുഖത്തില്‍ വിക്കി കൗശല്‍ മറുപടി നല്‍കുകയുണ്ടായി.
