എം ജി ആറിന്റേയും ജയലളിതയുടെയും ജീവിതം വരച്ച് കാണിച്ച ചിത്രമായിരുന്നു മണിരത്നം - മോഹൻലാൽ കൂട്ടുകെട്ടിൽ പിറന്ന ഇരുവർ. നിരവധി അവാർഡുകളും പ്രശംസകളും വാരിക്കൂട്ടിയ ചിത്രമായിരുന്നു ഇരുവർ. പക്ഷേ ബോക്സ് ഓഫീസിൽ വലിയ ചലനങ്ങൾ ഒന്നും സൃഷ്ടിക്കാൻ ഈ ചിത്രത്തിന് സാധിച്ചില്ല. ഇത് മോഹൻലാലിനേയും മണിരത്നത്തേയും വിഷമിപ്പിച്ചു.
സങ്കടത്തിനിടയിൽ മോഹൻലാലിന് ആശ്വാസമായത് ജയലളിതയുടെ വാക്കുകളാണ്. ഫോൺ കോൾ വഴിയാണ് ജയലളിത അഭിനന്ദനം അറിയിച്ചത്. 'നീങ്ക റൊമ്പ പ്രമാദമാ നടിച്ചിറുക്കീങ്കെ' എന്നായിരുന്നു ജയലളിത ഫോണിലൂടെ പറഞ്ഞത്. ആ അഭിനന്ദനം അന്ന് മോഹന്‍ലാലിന് വലിയ ആശ്വാസമായി. തമിഴക രാഷ്ട്രീയ ചരിത്രത്തില്‍ പരസ്യമായ രഹസ്യമായ എം ജി ആര്‍ ജയലളിത ബന്ധത്തിന്റെ അടയാളങ്ങളായിരുന്നു ഇരുവര്‍ എന്ന ചിത്രത്തിലെ പല രംഗങ്ങളും.
