വിരലിലെണ്ണാവുന്ന സിനിമകളെ പ്രണവ് മോഹന്‍ലാല്‍ ചെയ്തിട്ടുള്ളൂ. നായകനായി തിളങ്ങാന്‍ ആഗ്രഹിക്കാത്ത പ്രണവ് നെഗറ്റീവ് റോളുകള്‍ ചെയ്യുവാനും താല്പര്യം കാണിക്കുന്നുണ്ട്. അത്തരത്തിലുള്ള വേഷത്തിനായി കാത്തിരിക്കുകയാണ് നടന്‍. പ്രണവിന്റെ പുതിയ സിനിമയായ വര്‍ഷങ്ങള്‍ക്കുശേഷം നാളെ പ്രദര്‍ശനത്തിനെത്തും. എന്നാല്‍ പതിവ് പ്രണവ് ഇത്തവണയും തെറ്റിച്ചില്ല. പ്രമോഷന് പരിപാടികളില്‍ നിന്ന് മാറിനില്‍ക്കുകയാണ് നടന്‍. അതിനെ പറ്റിയുള്ള ചോദ്യങ്ങള്‍ക്ക് നിര്‍മ്മാതാവ് വിശാഖ് സുബ്രഹ്‌മണ്യം മറുപടി നല്‍കി.
തന്റെ ഒരു സിനിമയ്ക്കും പ്രണവ് പ്രമോഷന് വന്നിട്ടില്ല. പലരും ആവശ്യപ്പെടുന്നൊരു കാര്യവും ഇതാണ്. എന്നാല്‍ ഏറ്റെടുത്ത ജോലി പൂര്‍ത്തിയാക്കി വീണ്ടും യാത്ര തിരിക്കുന്നതാണ് പ്രണവിന്റെ പതിവ്. 'അവന്‍ ആദ്യമെ പറഞ്ഞു. വിശാഖ് ചേട്ടാ ബാക്കി എല്ലാം ഓക്കെ. പ്രമോഷന് ഞാന്‍ വരില്ലെന്ന്. അവന്‍ പറ്റില്ലെന്ന് പറഞ്ഞ കാര്യം വീണ്ടും ചോദിക്കുന്നത് ശരിയല്ല',എന്നാണ് വിശാഖ് ക്ലബ് എഫ്എമ്മിന് നല്‍കിയ ആഭിമുഖത്തിനിടെ പറഞ്ഞത്.
