സ്വപ്നതുല്യമായിരുന്നു ഇന്ത്യൻ ക്രിക്കറ്റ് നായകൻ വീരാട് കോഹ്‌ലിയുടെയും ബോളിവുഡ് സുന്ദരി അനുഷ്ക ശർമയുടെയും വിവാഹം. ഇറ്റലിയിൽ വെച്ച് നടന്ന വിവാഹത്തിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ആരാധകരെ അറിയിക്കാതെ ആയിരുന്നു വിവാഹം.
വിരുഷ്ക വിവാഹം നട‌ന്നപ്പോൾ ആരാധകരെപ്പോലെ തന്നെ ഞെട്ടിയ മറ്റൊരു ബോളിവുഡ് താരം കൂടിയുണ്ട്. മറ്റാരുമല്ല, ബോളിവുഡിലെ ഹോട്ട് സുന്ദരി കത്രീന കൈഫ് ആയിരുന്നു ആ വ്യക്തി. കത്രീനയും അനുഷ്കയും അടുത്ത സുഹൃത്തുക്കൾ കൂടിയാണ്. പക്ഷേ വിവാഹക്കാര്യം കത്രീന അറിഞ്ഞിരുന്നില്ല.
'ഈ വിവാഹത്തെക്കുറിച്ച് എനിക്ക് യാതൊരുവിധ അറിവും ഉണ്ടായിരുന്നില്ല. പക്ഷെ വളരെ മനോഹരമായൊരു വിവാഹമായിരുന്നു അതെന്ന് എനിക്ക് തോന്നുന്നു. ഇരുവരുടെയും ചിത്രങ്ങളും ഓരോ കാര്യങ്ങൾ ഒരുക്കിയിരിക്കുന്നത് കാണുമ്പോഴും അത് മനസ്സിലാകും. രുപാട് സ്‌നേഹവും സന്തോഷവും തോന്നി. ഇരുവര്‍ക്കും ഹൃദയം നിറഞ്ഞ ആശംസകൾ നേരുന്നു '- എന്ന് കത്രീന ഒരു ഓൺലൈൻ മാധ്യമത്തോട് വ്യക്തമാക്കി.