മമ്മൂട്ടിയും ദുൽഖറും തമ്മിൽ ഒരു സാമ്യമുണ്ട്, അത് അനുകരിക്കാൻ മലയാളത്തിലെ മറ്റൊരു നടനും!

മലയാളത്തിലെ മിക്ക നടന്മാരേയും അനുകരിക്കാൻ എപ്പോഴും ഇഷ്ടമുള്ളയാളാണ് നടൻ ജയറാം. ഏതു വേദിയിലും നസീറിന്റെയും സത്യന്റെയും ഉമ്മറിന്റെയുമൊക്കെ ശബ്ദമനുകരിക്കുന്നതിന് മടിയൊന്നുമില്ലായിരുന്നു. പണ്ട് മമ്മൂട്ടിയെ നന്നായി അനുകരിക്കുമായിരുന്നുവെന്നും താരം വ്യക്തമാക്കുന്നു.

വലിയ താരങ്ങളുടെ ശബ്ദം അനുകരിച്ച ജയറാമിന്റെ അടുത്ത ആഗ്രഹം താരപുത്രൻ ദുൽഖർ സൽമാന്റെ ശബ്ദം അനുകരിക്ക‌ണമെന്നാണ്. ഇനിയും മിമിക്രിക്കാരനാകാന്‍ അവസരം ലഭിച്ചാല്‍ ദുല്‍ഖര്‍ സല്‍മാനെ അനുകരിച്ച് താന്‍ നിഷ്പ്രയാസം കൈയ്യടി നേടും എന്ന് ജയറാം പറയുന്നു. മമ്മൂട്ടിയുടെയും ദുല്‍ഖറിന്റെയും ശബ്ദം തമ്മില്‍ നല്ല സാമ്യമുണ്ട് എന്ന് ജയറാം പറയുന്നു. അതുകൊണ്ടാണ് കൈയ്യടി നേടും എന്ന് അത്ര ഉറപ്പോടെ പറഞ്ഞത്.

ജയറാം മാത്രമല്ല, മകൻ കാളിദാസും മിമിക്രി നന്നായി ചെയ്യും. നടൻ സൂര്യ, അജിത്, വിജയ് എന്നിവരുടെ ശബ്ദം അനുകരിച്ചാണ് കാളിദാസ് തമിഴ് സിനിമയിലേക്ക് അരങ്ങേറ്റം കുറിച്ചത്.