Bigg Boss Malayalam ബിഗ് ബോസില്‍ വരണമെന്നത് മാത്രമല്ല അമ്മയുടെ ആഗ്രഹം, സാഗര്‍ സൂര്യ അത് നിറവേറ്റി, അമ്മയ്ക്കായി ജീവിക്കുന്ന മകന്‍
ബിഗ് ബോസ് മലയാളം സീസണ്‍ ഫൈവ് ലേക്ക് ക്ഷണം ലഭിച്ചപ്പോള്‍ വരാനുള്ള കാരണമായി മാറിയത് തന്റെ അമ്മയാണെന്ന് വെളിപ്പെടുത്തിയിരിക്കുകയാണ് നടന്‍. അമ്മ ഈ ലോകത്ത് ഇല്ലെങ്കിലും അവരുടെ ആഗ്രഹങ്ങള്‍ നിറവേറ്റുകയാണ് മകന്‍ കൂടിയായ സാഗര്‍. താന്‍ അഭിനയിച്ച തട്ടീം മുട്ടീം നടന്നാലും കാണുന്നത് ബിഗ് ബോസ് ആയിരിക്കുമെന്ന് നടന്‍ ഓര്‍ക്കുന്നു.
ഒരു ദിവസം താന്‍ ബിഗ് ബോസില്‍ വരുമെന്ന് അമ്മയോട് പറഞ്ഞിട്ടുണ്ടായിരുന്നു എന്ന് സാഗര്‍ പറയുന്നു.പിന്നെ നിന്നെ കൊണ്ടോന്നും പറ്റില്ലെന്ന് അമ്മ പറയുമായിരുന്നു. അമ്മയുടെ കുറച്ച് ആഗ്രഹങ്ങള്‍ ഉണ്ടായിരുന്നു. അതിന് വേണ്ടിയാണ് ഈ ഷോയില്‍ വന്നത്. അല്ലെങ്കില്‍ ഞാന്‍ വരില്ലായിരുന്നു. അമ്മയുടെ പ്രസന്‍സ് എപ്പോഴും എന്റെ കൂടെ തന്നെ ഉണ്ടെന്നും ഷോക്കിടെ തന്റെ കഥ പറയുമ്പോള്‍ സാഗര്‍ പറഞ്ഞു.
തന്റെ അമ്മ പോയ പതിനൊന്നാം തീയതി തന്നെയാണ് താന്‍ അഭിനയിച്ച കുരുതി സിനിമ റിലീസ് ചെയ്തതെന്നും സാഗര്‍ ഓര്‍ക്കുന്നു. അമ്മയുടെ വേറൊരു ആഗ്രഹവും നടന്‍ നിറവേറ്റി. ചേച്ചിക്ക് വീട് വെച്ചുകൊടുക്കണം എന്നത് അമ്മയുടെ ആഗ്രഹമായിരുന്നു, അത് സാഗര്‍ സൂര്യ നടത്തി.
