ഇത്തവണത്തെ മികച്ച നടനുള്ള സംസ്ഥാന അവാർഡ് ലഭിച്ചത് ഇന്ദ്രൻസിനായിരുന്നു. വി സി അഭിലാഷ് സംവിധാനം ചെയ്ത ആളൊരുക്കം എന്ന ചിത്രത്തിലെ അഭിനയത്തിനായിരുന്നു അവാർഡ്. എന്നാൽ, ഇന്ദ്രൻസിനായി ജയ് വിളിച്ചവരൊക്കെ പറ്റിക്കുകയാണ് ചെയ്തതെന്ന് സംവിധായകൻ പറയുന്നു.
മികച്ച നടനായി ഇന്ദ്രന്‍സ് മാറിയപ്പോള്‍ സമൂഹമാധ്യമത്തില്‍ ജയ് വിളികളും ഉമ്മ കൊടുക്കലും ഒക്കെ ഉണ്ടായി. അവാര്‍ഡ് തിളക്കത്തില്‍ നിന്ന ഇന്ദ്രന്‍സിനെ കെട്ടിപ്പിടിക്കാനും ആവേശം കാണിക്കാനും ആളുണ്ടായി. ഇവരൊക്കെ തിയറ്ററില്‍ എത്തുമെന്നു പ്രതീക്ഷിച്ചാണ് ആളൊരുക്കം റിലീസ് ചെയ്തത്. എന്നാൽ, ചിത്രം കാണാൻ ആരും തന്നെ വന്നില്ല. ഫെയ്‌സ്ബുക്കിലൂടെയുള്ള സ്‌നേഹപ്രകടനം വ്യാജമാണെന്നു ബോധ്യപ്പെട്ടതു റിലീസിനു ശേഷമാണ്.
സനല്‍കുമാര്‍ ശശിധരനെ പോലെയുള്ളവര്‍ സിനിമ കാണുകയും കൃത്യമായി അഭിപ്രായം വിളിച്ചറിയിക്കുകയും ചെയ്തു. ഇതൊരു ബുദ്ധിജീവി പടമല്ലെന്നും സംവിധായകൻ പറയുന്നു.