ഷൂട്ടിങ്ങിനു പോകാന്‍ തയ്യാറായി നില്‍ക്കുന്ന ബോളിവുഡിലെ താരപുത്രന്റെ ചിത്രങ്ങളാണ് സാമൂഹ്യ മാധ്യമങ്ങളില്‍ വൈറലായത്. കോടികള്‍ വിലമതിക്കുന്ന കാര്‍ വേണമെങ്കില്‍ അച്ഛന്‍ മകനെ സമ്മാനമായി നല്‍കും. പക്ഷേ അതൊന്നും വേണ്ട തനിക്ക് മുന്നില്‍ ജീവിക്കുന്ന സാധാരണക്കാര്‍ക്ക് എന്ത് സൗകര്യമാണ് ലഭിക്കുന്നത് അത് മാത്രം താനും ഉപയോഗിച്ചാല്‍ മതി എന്ന പക്ഷക്കാരനാണ് ഇയാള്‍. താര പുത്രന്‍ എന്ന ജാഡയില്ലാതെ ലളിതജീവിതം നയിക്കാന്‍ ഇഷ്ടപ്പെടുന്ന നടന്റെ പേര് ജുനൈദ് ഖാന്‍ ആണ്. അച്ഛന്റെ പേര് പറഞ്ഞാല്‍ നിങ്ങള്‍ക്ക് എല്ലാവര്‍ക്കും അറിയാം.
അമീര്‍ഖാന്‍, അതെ അമീര്‍ഖാന്റെ മൂത്ത പുത്രനാണ് ജുനൈദ് ഖാന്‍. നേരത്തെ ജുനൈദിന്റെ സുഹൃത്തിന്റെ വിവാഹം പോണ്ടിച്ചേരിയില്‍ വച്ച് നടന്നിരുന്നു. ട്രാന്‍സ്‌പോര്‍ട്ട് ബസ്സിലാണ് താരപുത്രന്‍ സഞ്ചരിച്ചത്. ഇതുപോലെ തന്നെ ഷൂട്ടിങ്ങിന് പോകുന്നതും സാധാരണക്കാര്‍ സഞ്ചരിക്കാനുള്ള ബോട്ടില്‍. ജുനൈദിന്റെ സഹോദരി ഐറാ ഖാന്റെ വിവാഹം അടുത്തിടെ നടന്നിരുന്നു. വിവാഹ വേദിയില്‍ എത്തിയ ജുനൈദിനെ കണ്ടവര്‍ ഞെട്ടി.
