സോഷ്യല്‍ മീഡിയയില്‍ വലിയ രീതിയില്‍ പ്രചരിക്കുകയാണ് നടി ഉഷ ഹസീനയുടെ വീഡിയോ. 1992-ലെ അഭിമുഖത്തില്‍ സിനിമ ലോകത്തുനിന്നും തനിക്കുണ്ടായ അനുഭവങ്ങളെക്കുറിച്ച് തുറന്നു പറഞ്ഞിരുന്നു.നല്ല അനുഭവങ്ങളല്ല ഉണ്ടായിട്ടുള്ളത്, ആരെയും വിശ്വസിക്കാന്‍ കൊള്ളില്ലെന്നും 32 വര്‍ഷങ്ങള്‍ക്ക് മുമ്പ് നടി പറഞ്ഞ വീഡിയോ വൈറലായി.
'സിനിമയില്‍ നിന്ന് എനിക്ക് നല്ല അനുഭവങ്ങളല്ല ഉണ്ടായിട്ടുള്ളത്. ഇനി വരാന്‍പോകുന്ന കുട്ടികളോടും ഇപ്പോള്‍ അപകടം പറ്റാതെ തുടരുന്ന കുട്ടികളോടും എനിക്ക് പറയാനുള്ളത്, സിനിമയിലുള്ള ആളുകളെ വിശ്വസിക്കാന്‍ കൊള്ളില്ല. ശ്രദ്ധിച്ച് കൈകാര്യം ചെയ്യണം. സിനിമ എന്നുപറയുന്നത് മാഫിയ സംഘമാണ്. ബര്‍മുഡ ട്രയാങ്കിളില്‍ പെട്ടുപോകാന്‍ സാധ്യതയുണ്ട്. ഞാന്‍ പെട്ടുപോയി. എന്റെ അനുഭവം വെച്ചാണ് പറയുന്നത്. എനിക്ക് അപകടം പറ്റി. അതിന്റെ അനുഭവത്തില്‍ പറയുകയാണ്. കുട്ടികള്‍ വളരെ ശ്രദ്ധിച്ച് നില്‍ക്കണം',-അഭിമുഖത്തിനിടെ ഉഷ പറഞ്ഞു.