എന്നാല്‍ ധൂമിനൊരു ‘ദം’ ഇല്ലെന്നാണ് പ്രേക്ഷകപ്രതികരണം. വെറും സാ‍ധാരണമായ കഥയ്ക്ക് സ്റ്റണ്ടും റേസും കൊണ്ട് പഞ്ച് കൊടുക്കുക മാത്രമാണ് സംവിധായകന്‍ ചെയ്തതെന്നാണ് വിമര്‍ശനം. എന്നാല്‍ പ്രേക്ഷകര്‍ക്ക് വേണ്ട് പഞ്ച് ലഭിച്ചുമില്ല.
ആമിര്‍ ഖാന്റെ തസ്‌കരവീരനായ കഥാപാത്രത്തെ വേണ്ട രീതിയില്‍ പ്രതിഫലിപ്പിക്കാന്‍ കഴിഞ്ഞില്ല. സസ്‌പെന്‍സ് സിനിമയ്ക്ക് തന്നെ ബാധ്യതയായി മാറിയെന്നാണ് നിരൂപണം. ത്രസിപ്പിക്കുന്ന ചേയ്‌സിംഗ് രംഗങ്ങളും പ്രേക്ഷകരും പൊലീസും ഒരു പോലെ കബളിപ്പിക്കപ്പെടുന്ന മോഷണശ്രമങ്ങളും ചടുല ഗാന നൃത്ത രംഗങ്ങളുമായിരുന്നു ധൂമിന്റെ ഒന്നും രണ്ടും സീരിസുകളെ ശ്രദ്ധേയമാക്കിയത്. ധൂ 3യില്‍ എത്തിയപ്പോള്‍ അത് നിരാശയായി മാറി.
സമ്മിശ്ര പ്രതികരണം ലഭിച്ചതോടെ സിനിമ കാണാനുള്ള തിരക്ക് അല്‍പം കുറഞ്ഞതായാണ് റിപ്പോര്‍ട്ട്. കളക്ഷനില് ഏതാണ് 10 ശതമാനത്തോളം കുറവാണ് ഉണ്ടായിരിക്കുന്നത്.