ക്വാര്‍ട്ടര്‍ ഫൈനല്‍ പോരാട്ടങ്ങള്‍ ആരംഭിക്കാനിരിക്കെ ഉറുഗ്വയ്‌ക്ക് തിരിച്ചടി. മുന്നേറ്റ നിരയിലെ കുന്തമുനകളായ കവാനിയും ലൂയിസ് സുവാരസിനും പരിക്കേറ്റതാണ് അവരെ ആശങ്കപ്പെടുത്തുന്നത്.
ക്വാര്‍ട്ടര്‍ ഫൈനലില്‍ കരുത്തരായ ഫ്രാന്‍സിനെ നേരിടാനിറങ്ങുമ്പോള്‍ സുവാരസും കവാനിയും ടീമില്‍ ഇല്ലെങ്കില്‍ കനത്ത തിരിച്ചടിയാകും ഉറുഗ്വയ്‌ക്ക് ഉണ്ടാകുക.
പോര്‍ച്ചുഗലിനെതിരായ മത്സരത്തില്‍ പരിക്കേറ്റ കവാനി ഇതുവരെ പരിശീലനത്തിന് ഇറങ്ങിയിട്ടില്ല. സുവാരസിന്റെ പരിക്ക് എത്രത്തോളമുണ്ടെന്ന വ്യക്തമായിട്ടില്ല. പരിശീലന ക്യാംപിൽ നിന്ന് മുടന്തിയാണ് സുവാരസ് മടങ്ങിയത്. താരം പിന്നീട് പരിശീലനം നടത്തിയെങ്കിലും വലതുകാലിലെ പരിക്ക് സാരമുളളതാണെന്നാണ് സൂചന.
സൂപ്പര്‍താരങ്ങളുടെ പരിക്കുമായി ബന്ധപ്പെട്ട് നിപാടറിയിക്ക് ഉറുഗ്വയ് തയ്യാറായിട്ടില്ല. ഇരുവരും കളിക്കാനിറങ്ങിയില്ലെങ്കില്‍ ഫ്രാന്‍സിനെതിരെ ലാറ്റിനമേരിക്കന്‍ ടീം വിയര്‍ക്കുമെന്നതില്‍ സംശയമില്ല.