നേരത്തെ തന്നെ ആത്മഹത്യാ കുറിപ്പില്‍ സംശയം തോന്നിയ പോലീസ് ഉദ്യോഗസ്ഥര്‍ മേഖലയില്‍ നിന്ന് അതേദിവസം കാണാതായ മറ്റൊരു സ്ത്രീയായ റുക്മന്‍ ഭായിയുടെ തിരോധാനത്തെ കുറിച്ച് അന്വേഷണം നടത്തിയിരുന്നു. സൊനാലിയുടെ കൂട്ടുകാരി കൂടിയായ റുക്മന്‍ സംഭവത്തിന് ശേഷമാണ് കാണാതായതെന്നും അവര്‍ക്കും സൊനാലിയുടെ അതേ ശാരീരിക ഘടനയാണെന്നതും സൊനാലിയിലേക്കുള്ള സംശയം ഇരട്ടിച്ചു.
കഴിഞ്ഞ ദിവസം ഉത്തര മഹാരാഷ്ട്രയിലെ ജല്‍ഗാവ് ജില്ലയിലെ ചാലിസ്ഗാവ് റെയില്‍വേ സ്‌റ്റേഷനില്‍ നിന്നാണ് കാമുകനൊപ്പം സോനാലി പിടിയിലായത്. റുക്മനെ കൊലപ്പെടുത്തിയതിനു ശേഷം സൊനാലിയുടെ വസ്ത്രങ്ങളും പാദരക്ഷകളും ആഭരണങ്ങളും അണിയിച്ചാണ് മൃതദേഹം കത്തിച്ചിരുന്നത്. കൊലപാതകത്തില്‍ കാമുകന്‍ വൈഷ്ണവും പങ്കെടുത്തിട്ടുണ്ടെന്ന് ഇവര്‍ സമ്മതിക്കുകയും ചെയ്തു.
