കെഎസ്ആര്‍ടിസി ബസില്‍ വച്ച് കന്യാസ്‌ത്രീയെ പീഡിപ്പിക്കാന്‍ ശ്രമിച്ച ജീവനക്കാരന് സസ്‌പെന്‍ഷന്‍.
തിരുവനന്തപുരം ഡിപ്പോയിലെ ഡ്രൈവര്‍ കം കണ്ടക്ടര്‍ ജീവനക്കാരനായ സന്തോഷ് കുമാറിനെതിരെയാണ് നടപടി.
തിരുവനന്തപുരം-മൈസൂര്‍ സ്കാനിയ ബസില്‍ ഈ മാസം 13നാണ് പീഡനശ്രമം നടന്നത്. ഇരയായ കന്യാസ്ത്രീ തമ്പാനൂര്‍ പൊലീസില്‍ പരാതി നല്‍കിയതോടെയാണ് സംഭവം പുറത്തറിയുന്നത്.
സന്തോഷ് കുമാറിനെതിരെ പൊലീസ് കേസെടുത്തതായാണ് റിപ്പോര്‍ട്ട്. തുടര്‍ നടപടികള്‍ ഉടനുണ്ടാകും. അതേസമയം, പരാതി സംബന്ധിച്ച കൂടുതല്‍ വിവരങ്ങള്‍ പുറത്തുവിടാന്‍ പൊലീസ് തയ്യാറായിട്ടില്ല.