അതായത് പോയിന്‍റ് നിലയില്‍ എതിരാളികളില്ലാതെ ബഹുദൂരം മുമ്പിലുള്ള ഇന്ത്യയ്ക്ക് രണ്ടാം സ്ഥാനക്കാര്‍ പോലും വെല്ലുവിളികള്‍ ഉയര്‍ത്തുന്നില്ല എന്നതാണ്. വെസ്റ്റിന്‍ഡീസിനെതിരെയും ദക്ഷിണാഫ്രിക്കയ്ക്കെതിരെയും നടന്ന ടെസ്റ്റ് പരമ്പരകള്‍ തൂത്തുവാരിയതോടെയാണ് ഇന്ത്യ മറ്റുള്ളവര്‍ക്ക് എത്തിപ്പിടിക്കാന്‍ പോലുമാകാത്തത്ര ഉയരത്തിലെത്തിയത്. ലോക ടെസ്റ്റ് ചാമ്പ്യന്‍ഷിപ്പിലെ മറ്റ് ടീമുകള്‍ക്കെല്ലാംകൂടി ഇതുവരെ ലഭിച്ച പോയിന്‍റുകള്‍ കൂട്ടിനോക്കിയാലും ഇന്ത്യയുടെ പോയിന്‍റിന്‍റെ അത്രയും വരില്ല എന്നതാണ് ഏറെ കൌതുകകരം.
