ട്വന്റി 20യ്ക്ക് പിന്നാലെ ഏകദിന നായകസ്ഥാനവും രോഹിത് ശര്‍മയ്ക്ക്. വിരാട് കോലിയെ ഏകദിന നായകസ്ഥാനത്തു നിന്ന് നീക്കി. ട്വന്റി 20, ഏകദിന ഫോര്‍മാറ്റുകളില്‍ രോഹിത് ശര്‍മയും ടെസ്റ്റ് ക്രിക്കറ്റില്‍ വിരാട് കോലിയും ആയിരിക്കും ഇനി ഇന്ത്യയെ നയിക്കുക. 2023 ഏകദിന ലോകകപ്പ് ലക്ഷ്യമിട്ടാണ് അഴിച്ചുപണി. കോലിയുടെ ഏകദിന ക്യാപ്റ്റന്‍സിയെ കുറിച്ച് ബിസിസിഐ അധ്യക്ഷന്‍ സൗരവ് ഗാംഗുലിയുടെ നേതൃത്വത്തിലുള്ള വിദഗ്ധര്‍ ചര്‍ച്ച ചെയ്തിരുന്നു. അതിനു പിന്നാലെയാണ് നടപടി. കോലിയുടെ നിലപാട് കൂടി അറിഞ്ഞാണ് ബിസിസിഐ തീരുമാനമെടുത്തത്.
