ലോകം മുഴുവന്‍ ആരാധകരുള്ള ഇന്ത്യന്‍ ക്രിക്കറ്റ് താരമാണ് വിരാട് കോലി. അവധിക്കാലം ആഘോഷിക്കാന്‍ ഏത് വിദേശ രാജ്യത്ത് പോയാലും കോലിക്കു പിന്നാലെ ആരാധകരും പാപ്പരാസികളും ഉണ്ടാകും. ഇപ്പോള്‍ ഇതാ ലണ്ടനില്‍ നിന്നുള്ള കോലിയുടെ വീഡിയോയാണ് സോഷ്യല്‍ മീഡിയയില്‍ വൈറലായിരിക്കുന്നത്.
ശ്രീലങ്കയ്‌ക്കെതിരെ ഏകദിന പരമ്പരയ്ക്കു ശേഷമാണ് കോലി ലണ്ടനില്‍ എത്തിയത്. ജീവിതപങ്കാളിയും ബോളിവുഡ് നടിയുമായ അനുഷ്‌കയും മകന്‍ അകായിയും കോലിക്കൊപ്പം ലണ്ടനില്‍ ഉണ്ട്. ലണ്ടനിലെ യൂണിയന്‍ ചാപ്പലിനു മുന്നില്‍ കോലി കുടുംബസമേതം നില്‍ക്കുന്ന ചിത്രങ്ങളും നേരത്തെ പുറത്തുവന്നിരുന്നു.
ലങ്കയ്‌ക്കെതിരായ ഏകദിന പരമ്പരയില്‍ മൂന്ന് മത്സരങ്ങളില്‍ നിന്ന് 19.33 ശരാശരിയില്‍ വെറും 58 റണ്‍സാണ് കോലി നേടിയത്.