ഹാര്‍ദിക് പാണ്ഡ്യയും ജാസ്മിന്‍ വാലിയയും ഡേറ്റിങ്ങിലെന്ന് റിപ്പോര്‍ട്ട്

Hardik Pandya and Jasmin Walia

ഇന്ത്യന്‍ ക്രിക്കറ്റ് താരം ഹാര്‍ദിക് പാണ്ഡ്യയും ബ്രിട്ടീഷ് ഗായിക ജാസ്മിന്‍ വാലിയയും പ്രണയത്തിലെന്ന് റിപ്പോര്‍ട്ട്. ഗ്രീസില്‍ ഇരുവരും ഒന്നിച്ച് അവധിക്കാലം ആഘോഷിച്ചെന്നാണ് എന്‍ഡിടിവി അടക്കമുള്ള ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്. സോഷ്യല്‍ മീഡിയയില്‍ ഇരുവരും പരസ്പരം ഫോളോ ചെയ്യാനും ആരംഭിച്ചു. 

ഇംഗ്ലണ്ടിലാണ് ജാസ്മിന്റെ ജനനം. മാതാപിതാക്കള്‍ ഇന്ത്യന്‍ വംശജരാണ്. ബ്രിട്ടീഷ് റിയാലിറ്റി ടിവി ഷോയിലൂടെയാണ് താരം ശ്രദ്ധിക്കപ്പെട്ടത്. 2017 ല്‍ പുറത്തിറങ്ങിയ 'ബോം ഡിഗ്ഗി' ഗാനമാണ് ജാസ്മിനെ പോപ്പുലറാക്കിയത്. ഗ്രീസിലെ ഒരേ ലൊക്കേഷനില്‍ നിന്നുള്ള ചിത്രങ്ങള്‍ ഇരുവരും അടുത്തടുത്തായി പോസ്റ്റ് ചെയ്തതോടെയാണ് ഡേറ്റിങ് ഗോസിപ്പുകള്‍ പ്രചരിച്ചു തുടങ്ങിയത്. 

ഈയടുത്താണ് നടാഷ സ്റ്റാന്‍കോവിച്ചുമായുള്ള ദാമ്പത്യബന്ധം ഹാര്‍ദിക് പിരിഞ്ഞത്. നാല് വര്‍ഷത്തെ ദാമ്പത്യ ജീവിതത്തിനു ശേഷമായിരുന്നു ഡിവോഴ്‌സ്. ഇരുവര്‍ക്കും ഒരു മകനുണ്ട്. നടാഷയ്‌ക്കൊപ്പമാണ് മകന്‍ ഇപ്പോള്‍ താമസിക്കുന്നത്.