സുനില്‍ ഗാവസ്കറിന്റെ 11 സെഞ്ചുറികളുടെ റെക്കോർഡാണ് 12 സെഞ്ചുറികളുമായി കോഹ്ലി മറികടന്നത്. ഒരു കലണ്ടർ വർഷം ഏറ്റവും കൂടുതൽ അന്താരാഷ്ട്ര സെഞ്ചുറികൾ നേടുന്ന നായകനെന്ന അപൂർവ്വ റെക്കോര്‍ഡും കോഹ്ലി സ്വന്തമാക്കി. ഈ വർഷത്തെ പത്താമത് സെഞ്ചുറിയാണ് കോഹ്ലി നാഗ്പൂരിൽ സ്വന്തമാക്കിയത്.
മുന്‍ ഓസീസ് നായകൻ റിക്കി പോണ്ടിംഗിന്റെ ഒമ്പത് സെഞ്ചുറികളുടെ റെക്കോർഡാണ് കോഹ്ലി സ്വന്തം പേരിലെഴുതിയത്. ഈ വർഷം ആറ് ഏകദിന സെഞ്ചുറികളും നാല് ടെസ്റ്റ് സെഞ്ചുറികളുമാണ് ഇതുവരെ കോഹ്ലി നേടിയത്. കരിയറിലെ 51-ാം സെഞ്ചുറിയാണ് കോഹ്ലി നാഗ്പൂരിൽ കുറിച്ചത്. ലങ്കയ്ക്കെതിരായ ആദ്യ ടെസ്റ്റിലും കോഹ്ലി സെഞ്ചുറി നേടിയിരുന്നു.
