ട്വന്റി 20 ലോകകപ്പില്‍ ഇന്ത്യയുടെ വജ്രായുധമാകുക സ്പിന്നര്‍ വരുണ്‍ ചക്രവര്‍ത്തി. ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിന് വേണ്ടി മികച്ച പ്രകടനമാണ് കഴിഞ്ഞ ദിവസം വരുണ്‍ ചക്രവര്‍ത്തി നടത്തിയത്. യുഎഇയിലെ സാഹചര്യം കൃത്യമായി ഉപയോഗപ്പെടുത്താന്‍ വരുണ്‍ ചക്രവര്‍ത്തിക്ക് സാധിക്കുന്നുണ്ട്. ഇതേ മൈതാനങ്ങളില്‍ തന്നെയാണ് അടുത്ത മാസം ട്വന്റി 20 ലോകകപ്പ് നടക്കാനിരിക്കുന്നത്.
വളരെ വേഗതയുള്ള സ്പിന്നറാണ് വരുണ്‍. ബാറ്റ്‌സ്മാന്‍മാരെ കണ്‍ഫ്യൂഷനിലാക്കാനും വരുണിന് സാധിക്കുന്നുണ്ട്. വിക്കറ്റിനെ ലക്ഷ്യം വയ്ക്കുന്ന സ്‌ട്രൈറ്റ് ബോളുകളാണ് വരുണിന്റെ പ്രത്യേകത. സ്റ്റംപ്‌സിനെ ആക്രമിക്കുന്ന തരത്തില്‍ പന്തെറിയുന്നത് ബാറ്റ്‌സ്മാന്‍മാരെ സമ്മര്‍ദത്തിലാക്കുന്നു. ക്രീസില്‍ നിന്ന് പുറത്തിറങ്ങിയോ സ്വീപ്പ് ചെയ്‌തോ വരുണ്‍ ചക്രവര്‍ത്തിയുടെ പന്തുകള്‍ ആക്രമിക്കുക ബാറ്റ്‌സ്മാന്‍മാര്‍ക്ക് ദുഷ്‌കരമാണ്.
