Suryakumar Yadav and Virat Kohli: സൂര്യകുമാര്‍ യാദവിനു മുന്നില്‍ താണുവണങ്ങി വിരാട് കോലി. ഹോങ് കോങ്ങിനെതിരായ മത്സരത്തില്‍ 26 പന്തില്‍ ആറ് ഫോറും ആറ് സിക്‌സും സഹിതം 68 റണ്‍സ് നേടി പുറത്താകാതെ നിന്ന സൂര്യകുമാറിന്റെ വെടിക്കെട്ട് ഇന്നിങ്‌സിനെ പ്രശംസിക്കുകയായിരുന്നു കോലി. സൂര്യകുമാറിനൊപ്പം ബാറ്റ് ചെയ്തിരുന്നത് കോലിയാണ്. ഇന്ത്യയുടെ ഇന്നിങ്‌സ് പൂര്‍ത്തിയായ ശേഷം ഡ്രസിങ് റൂമിലേക്ക് പോകുന്നതിനിടെയാണ് സൂര്യകുമാര്‍ യാദവിന് മുന്നില്‍ കോലി കുമ്പിട്ടത്. ഉടന്‍ തന്നെ കോലിയെ സൂര്യകുമാര്‍ കെട്ടിപ്പിടിച്ചു. ഇരുവരും തമ്മിലുള്ള സൗഹൃദം എത്രത്തോളം ആഴമുള്ളതാണെന്ന് വ്യക്തമാക്കുന്നതാണ് ഈ വീഡിയോ.