Shivam Dube: അഫ്ഗാനിസ്ഥാനെതിരായ ട്വന്റി 20 പരമ്പര തുടങ്ങുന്നതിനു മുന്‍പ് ഇന്ത്യയുടെ ലോകകപ്പ് സ്‌ക്വാഡിലേക്ക് പരിഗണിച്ചിരുന്ന താരങ്ങളുടെ പട്ടികയില്‍ ആദ്യ 25 ല്‍ മാത്രമായിരുന്നു ശിവം ദുബെയുടെ സ്ഥാനം. അഫ്ഗാനിസ്ഥാനെതിരായ രണ്ട് ടി20 മത്സരങ്ങള്‍ കഴിഞ്ഞതോടെ അത് ആദ്യ 15 ലേക്ക് ചുരുങ്ങിയിട്ടുണ്ട്. അതായത് നിലവിലെ സാഹചര്യത്തില്‍ ട്വന്റി 20 ലോകകപ്പിനുള്ള ഇന്ത്യന്‍ ടീമില്‍ സ്ഥാനം പിടിക്കാന്‍ എന്തുകൊണ്ടും യോഗ്യനാണ് താനെന്ന് ദുബെ തെളിയിച്ചു കഴിഞ്ഞു. തുടര്‍ച്ചയായ രണ്ട് അര്‍ധ സെഞ്ചുറികളാണ് ദുബെ അഫ്ഗാനെതിരെ നേടിയത്.
