ഇന്നിങ്‌സ് ജയം ലക്ഷ്യമിട്ട് ഇറങ്ങിയ ന്യൂസിലന്‍ഡിനു കൗണ്ടര്‍ അറ്റാക്കിലൂടെ മറുപടി നല്‍കുകയാണ് ഇന്ത്യ. രണ്ടാം ഇന്നിങ്‌സില്‍ 60 ഓവര്‍ പൂര്‍ത്തിയാകുമ്പോള്‍ മൂന്ന് വിക്കറ്റ് നഷ്ടത്തില്‍ 281 റണ്‍സാണ് ഇന്ത്യ നേടിയിരിക്കുന്നത്. ഒന്നാം ഇന്നിങ്‌സില്‍ 356 റണ്‍സിന്റെ കൂറ്റന്‍ ലീഡാണ് ന്യൂസിലന്‍ഡിനു ഉള്ളത്. വെറും 75 റണ്‍സ് മാത്രം അകലെയാണ് ഇപ്പോള്‍ ഇന്ത്യ.
റിഷഭ് പന്ത് ആണ് സര്‍ഫറാസ് ഖാനൊപ്പം ഇപ്പോള്‍ ക്രീസിലുള്ളത്. നേരത്തെ വിരാട് കോലി (102 പന്തില്‍ 70), രോഹിത് ശര്‍മ (63 പന്തില്‍ 52) എന്നിവര്‍ ഇന്ത്യക്കായി അര്‍ധ സെഞ്ചുറി നേടിയിരുന്നു. യഷസ്വി ജയ്‌സ്വാള്‍ 35 റണ്‍സെടുത്ത് പുറത്തായി. ഒന്നാം ഇന്നിങ്‌സില്‍ ഇന്ത്യ വെറും 46 റണ്‍സിനാണ് ഓള്‍ഔട്ട് ആയത്.
